Mulakaat
A Poetry By Palak Maheshwari..
Aao zara baitho kuch baat karte hai
Aaj dono milkar ek dusare se fariyaad krte hai...
Yun toh waqt milta nahi kisi ko kisi k liye
Aaj do ghadi mulakat krte hai
Iss safar me hum najaane kab alag hue
Chalo dono milkar yeh yaad krte hai
Aao zara baitho kuch baat krte hai...
Apne Yaro se waqt nikaal kar laya hoon main
Tum bhi aaj jaldi sawar kar ajao na
Ab intezaar nahi hota tumse milne kaa
Gali ke uss nukkad par phir kulladh ki chai pite hai
Aao zara baitho kuch baat krte hai...
Itne samay baad milne ki jitni khushi muje hai
Tumhe bhi ghabrahat kam na hogi
Yeh vo daur tha, jo kyu tha
Kuch zara iss par gaur karte hai
Aao zara baitho kuch baat karte hai...
Me vahi nili kamiiz pehen kar aaya hoon
Tum bhi khuli zulfon ke sath ajao na
Guzare hue waqt ke gham ko aadha krte hai
Milne ki iss aas ko hum dono pura krte hai
Aao zara baitho kuch baat krte hai...
Tamaam koshishien jo adoori reh gyi thi
Iss mulakaat se adaa krte hai
Juda hue do jism ko
Nazdikiyon se ek jaan karte hai
Aao zara baitho kuch baat krte hai
Aaj dono milkar ek dusare se fariyaad krte hai...
To read my Popular Blogs click on the links Below
You should not always date your feelings
STAY TUNED !!
Comments